Ongezeko la Vyoo Bora Laimarisha Afya Mkoani Shinyanga
Shinyanga – Idadi ya vyoo bora mkoani Shinyanga imeongezeka kwa kiwango cha kushangaza, ikitoka asilimia 56 hadi 78 katika kipindi cha miaka mitano, kuanzia mwaka 2020 hadi 2024.
Ongezeko hili la vyoo bora limetokana na mradi wa lipa kwa matokeo, ambao umesaidia kupunguza kwa kiasi kikubwa mlipuko wa magonjwa ya kuhara katika eneo hilo.
Ofisa Afya Mkoa wa Shinyanga ameeleza kuwa kabla ya mradi huu, kulikuwa na changamoto kubwa ya wananchi kutotumia vyoo bora, jambo ambalo lilikuwa hatari kwa afya ya jamii.
“Mradi huu umewezesha kuboresha miundombinu ya vituo vya afya na zahanati. Sasa, vingi vina vyoo bora pamoja na huduma muhimu za maji,” amesema afisa wa afya.
Hali ya vyoo kwenye kaya imebadirika kabisa. Taasisi nyingi, ikiwemo shule, sasa zina vyoo vyenye ubora wa hali ya juu pamoja na huduma stahiki.
Kimkakati, mradi umeweza kuboresha hali ya usafi kwenye vijiji, ambapo asilimia 74 ya jamii sasa zina vyoo bora. Hii ni mabadiliko makubwa ikilinganishwa na awali ambapo asilimia mbili tu zilikuwa na vyoo stahiki.
Mkuu wa Mkoa wa Shinyanga amewaagiza viongozi kusimamia usafi wa mazingira kwa ukaribu, kwa lengo la kuendeleza maboresho haya.
“Tunahitaji kuunda timu za mabalozi wa mazingira na kuhimiza usafi kuanzia ngazi ya kaya,” amesema Mkuu wa Mkoa akitoa mwelekeo wa juhudi za usafi.
Lengo kuu ni kuwa na mazingira safi, kuimarisha afya ya jamii na kuboresha tabia za usafi katika jamii ya Shinyanga.
