TANESCO Yakamata Wateja 5 Kwa Uhujumu wa Miundombinu ya Umeme Wilayani Kahama
Shinyanga – Shirika la Umeme Tanzania (TANESCO) kwa operesheni maalum ya ‘Baini Wajibika Okoa Mapato’ (BAOMA) limewakamata wateja watano waliodhaniwa kuhujumu miundombinu ya umeme kwa njia zisizo halali wilayani Kahama.
Katika operesheni iliyoshirikisha maafisa wa usalama, jumla ya wateja 473 walikaguliwa. Mkuu wa TANESCO kanda ya Magharibi, Felix Mwinuka, alisema watuhumiwa walikutwa wakitumia umeme vibaya, ikijumuisha:
– Kuhamisha mita kinyume na kanuni
– Kutumia umeme usiofuata mita
– Kuchezea mita ili kuepuka malipo halali
“Tumewakabidhi watuhumiwa kwa mamlakat kwa hatua za kisheria. Kitendo hiki ni hujuma dhidi ya rasilimali za umma,” alisema Mwinuka.
Mmoja kati ya wakamatwa ni Omega Nyuki wa Mhungula-Kahama, aliyekiri kununua mita haramu kwa shilingi 650,000 baada ya kusitishiwa huduma. Nyuki pia alikuwa akiuza umeme kwa majirani wake.
TANESCO imesitisha kuwa operesheni BAOMA itaendelea nchini kote na inawataka wananchi kutoa taarifa kuhusu wahujumu miundombinu ya umeme.
