Wanajeshi wa Rwanda Waripotiwa Kuuawa Katika Operesheni za Siri Mashariki mwa DRC
Dar es Salaam – Idadi kubwa ya wanajeshi wa Jeshi la Ulinzi la Rwanda (RDF) wameripotiwa kuuawa katika operesheni siri Mashariki mwa Jamhuri ya Kidemokrasia ya Congo (DRC), jambo ambalo linapingana na madai ya serikali ya Rwanda kuhusu kutohusika kwao katika mgogoro unaoendelea.
Vyanzo vya kijasusi, kijeshi na kidiplomasia yamebainisha kuwa idadi ya wanajeshi waliouawa ni kubwa sana, huku wakidaiwa kuwa walikuwa wakisaidia mashambulizi ya waasi wa M23 ndani ya DRC.
Picha za setilaiti zinaonesha makaburi mapya zaidi ya 600 yaliyopatikana tangu kuanza kwa mapigano, ambapo maofisa wa kijasusi wanagani kuwa idadi halisi ya vifo inaweza kufikia maelfu.
Chanzo cha habari kimeeleza kuwa familia za wanajeshi waliouawa zimekabidhiwa majeneza tupu, na baadhi ya miili imezikwa kwa siri katika makaburi ya pamoja. Hospitali ya Kijeshi ya Kigali imejenga jengo jipya ili kukabiliana na wingi wa majeruhi, na chumba cha maiti kimeripotiwa kujaa.
Serikali ya Rwanda inaendelea kukataa madai ya kushiriki katika mapigano, hata hivyo wataalamu wa Umoja wa Mataifa wanasema jeshi lake lipo kwenye udhibiti wa moja kwa moja wa waasi wa M23.
Umoja wa Mataifa umebainisha kuwa mapigano ya Goma yalisababisha vifo zaidi ya 2,900, na wataalamu wanagani kuwa wanajeshi wa Rwanda wa kweli walioko DRC wanaweza kuwa zaidi ya 7,000.
Hali hii imeongeza wasiwasi kuhusu mustakabali wa usalama katika eneo la Maziwa Makuu, na jumuiya ya kimataifa inatarajiwa kushinikiza ufanyaji wa uchunguzi wa kina.
