Ajali ya Gari ya Utalii Yawaangusha Watalii wa Israel Ndani ya Hifadhi ya Ngorongoro
Arusha. Ajali ya gari ya utalii iliyotokea ndani ya Hifadhi ya Ngorongoro (NCAA) imesababisha kifo cha mtalii mmoja wa Israel na kujeruhi wengine watano.
Taarifa rasmi iliyotolewa leo Jumapili Januari 5, 2025 inaeleza kuwa ajali hiyo ilitokea Jumamosi Desemba 4, 2025 saa 8:45 mchana, kati ya viewpoint na lango kuu la Loduare.
Gari lililoathiriwa lilikuwa na watu saba, sita wakiwa raia wa Israel na mmoja Mtanzania ambaye alikuwa dereva. Ajali hiyo ilisababisha vifo na majeraha, ambapo mwanamke mmoja amefariki dunia.
Majeruhi walipelekwa kwenye Hospitali za Lutherani na Fame zilizopo wilayani Karatu kwa matibabu awali, na baadaye kusafirishwa kwenye Hospitali ya Arusha Lutheran Medical Center kwa matibabu zaidi.
NCAA imewataka madereva wote wa magari ya utalii kuzingatia sheria za barabarani na za hifadhi ili kuhakikisha usalama wa wageni.
Uchunguzi zaidi unaendelea ili kujua sababu halisi ya ajali hiyo.
